2023 2024 EduVark > Education Discussion > General Discussion


  #2  
April 7th, 2017, 09:02 AM
Super Moderator
 
Join Date: Mar 2012
Re: Anthem of University Of Kashmir

As you are looking for lyrics of Anthem of University Of Kashmir, so on your demand I am providing same for you:


University Tarana (Anthem)

Ye mera chaman hai mera chaman, main apne chaman ka Bulbul huṅ
Sarshaar-e-nigaah-e-nargis huṅ, paabasta-e-gesoo-e Sumbul huṅ
Ye mera chaman, ye mera chaman,
Ye mera chaman hai mera chaman, main apne chaman ka bulbul huṅ!
Jo taaq-e-haram mein roshan hai woh shama yahan bhi jalti hai,
Iss dasht ke goshey goshey se ik jooy-e-hayat ubalti hai
Ye dasht-e-junuṅ deewanoṅ ka, ye bazm-e-wafaa parwanoṅ ki
Ye shehr-e-tarab roomanoṅ ka, ye khuld-e-bareeṅ armaanoṅ ki
Fitrat ne sikhayee hai humko uftaad yahaṅ parwaaz yahaṅ
Gaaye haiṅ wafaa ke geet yahaṅ, chheda hai junuṅ ka saaz yahaṅ
Ye mera chaman hai mera chaman, main apne chaman ka Bulbul huṅ!
Iss bazm mein tegheiṅ khiṅchiṅ hain, is bazm mein saaḡar todey haiṅ
Iss bazm mein aankh bichhaayee hai, iss bazm mein dil tak jodey haiṅ
Har sham hai shaam-e-Misr yahaṅ, har shab hai shab-e Shiraz yahaṅ
Hai saarey jahaṅ ka soz yahaṅ aur saarey jahaṅ ka saaz yahaṅ
Zarraat ka bosa lene ko sau baar jhuka aakaash yahaṅ
Khud aaṅkh se hamne dekhi hai baatil ki shikast-e-faash yahaṅ
Ye mera chaman hai mera chaman, main apne chaman ka bulbul huṅ!
Jo abr yahaṅ se utthega, wo sarey jahaṅ par barsega
Har jooy-e-rawaaṅ par barsega, har koh-e-garaaṅ par barsega
Har sarw-o-saman par barsega, har dasht-o-daman par barsega
Khud apne chaman par barsega, gairoṅ ke chaman par barsega
Har shahr-e-tarab par garjega, har qasr-e-tarab par kadkega
Ye abr hamesha barsa hai, ye abr hamesha barsega
Ye abr hamesha barsa hai, ye abr hamesha barsega
Ye abr hamesha barsa hai, ye abr hamesha barsega
Barsega, barsega, barsega


Quick Reply
Your Username: Click here to log in

Message:
Options



All times are GMT +5. The time now is 04:09 PM.


Powered by vBulletin® Version 3.8.11
Copyright ©2000 - 2024, vBulletin Solutions Inc.
Content Relevant URLs by vBSEO 3.6.0

1 2 3 4 5 6 7 8